فكره سودانيه

عزيزى الزائر اذا كانت هذه زيارتك الاولى لنا فعليك التسجيل من هنا للدخول للمنتدى

المنتدى يطرح افكار للشباب حتى يتبينو سبيلهم فى العمل والعلم وبه فقرات للترفيه


    نكات كرت كرتوووونة

    شاطر
    avatar
    gnabo
    المشرف العام
    المشرف العام

    نكات كرت كرتوووونة

    مُساهمة من طرف gnabo في السبت مايو 16, 2009 3:24 am

    مسطول قال لصاحبه :
    شنو ياخي الوالد مما اتوفى بقينا
    ما بنشوفو ؟
    في الحافلة فجأة شريط المسجل وقف
    المسطول سأل الراكب جنبو: اسمع يا
    أخي ود اللمين ده نزل ولاشنو؟

    مسطول جاء داخل بيتهم
    بالليل....ابوهو صحي بيه...وعمل
    معاهو مشكلة وطردو
    من البيت....وقفل الباب....قام
    المسطول كتب علي الباب بي فحمة...
    منزل الدكتور خليل ابراهيم


    واحد رباطابى عندو غنماية خايف
    عليها من العين عشان كدة داسيها
    من الناس اقصد الجيران لكن بالرغم
    من كدة فى واحد من الجيران شاف
    الغنماية لكن ما اتكلم بعد فترة
    الرباطابى قام اشترى ليهو بقرة
    فرزيان
    وطبعا كان خايف شديد وجا ماشى
    براحة جنب الحيطة عشان الجيران
    قام جارو الكان شاف الغنماية طلع
    ليهو براحة وقال ليهو اسمع بعد جبت
    الهيئة القومية دى ما تدينا
    الجنليتر الجوة داك

    واحد قام من نومه نص الليل على صوت
    الجيران بيصرخوا
    قالوا في تسمم في خزانات الموية
    رجع البيت سألته زوجته
    الحاصل شنو !!
    قال ليها مافي حاجة .. إشربي ليك
    مويـــة ونومي

    شايقي ورباطابي مسافرين
    الشايقي شايل اكل كتير
    بالليل الرباطابي شايل معاهو
    بطانيه اتغطي وخلي الشايقي في
    البرد
    الشايقي اتغاظ وقعد يقول والله
    انا عندي قراصه سمحه وفطير مافي
    زيو وبلح كتير لكن ما جعان هسي
    اعمل بيهم شنو
    الرباطابي قال ليهو اعمل بيهم
    سويتر
    واحد قال لمرتو : مساكين بنات
    لبنان دمرتهم الحروب .. والله لو كل
    واحد يأخد واحده يكون اجرو كبير
    قالت : والله المساكين بنات
    الصومال تلقى اجرهم اعظم
    مسطول جاتو فاتورة الموية مليون
    قال اكيد الجماعة ديل كتبو مطرة
    امبارح دي في حسابي

    سكران رجع البيت متاخر
    مرتو سالتو وين لي هسي !!
    قال ليها كنت بلعب شطرنج
    قالت ليهو شطرنج شنو وريحتك عرقي
    قال ليها يعنى عاوزة ريحتي تكون
    شطرنج !!


    مسطول اشترى بي ام دبليو بمواصفات
    خاصة
    فيها الكمبيوتر يصلح كل شي
    دقش الباب اليمين ،
    فرد الكمبيوتر: يا أيها الباب ارجع كما
    كنت
    دقش الباب الشمال ، فرد الكمبيوتر
    يا أيها الباب ارجع كما كنت
    عجبته الحكاية قام طار بالعربية
    من فوق الكوبري
    فرد الكمبيوتر: يا أيتها النفس
    المطمئنة ارجعي إلى ربك راضية
    مرضية
    avatar
    المدير العام
    المدير العام
    المدير العام

    رد: نكات كرت كرتوووونة

    مُساهمة من طرف المدير العام في الثلاثاء مايو 26, 2009 9:46 am

    هههههههههههههههههههههه
    روعه والله ربنا يديك العافيه
    تحياتى


    _________________
    www.vip70.com>">

      الوقت/التاريخ الآن هو الثلاثاء أغسطس 14, 2018 9:31 pm