فكره سودانيه

عزيزى الزائر اذا كانت هذه زيارتك الاولى لنا فعليك التسجيل من هنا للدخول للمنتدى

المنتدى يطرح افكار للشباب حتى يتبينو سبيلهم فى العمل والعلم وبه فقرات للترفيه


    فار يتزوج جدادة

    شاطر
    avatar
    gnabo
    المشرف العام
    المشرف العام

    فار يتزوج جدادة

    مُساهمة من طرف gnabo في الإثنين مايو 18, 2009 7:21 am















    الفار وقف



    .....




    جنب القفص ...


    سافر خيالو سرح بعيد

    لو اكرمو رب العباد

    جكسوية فاتنة من الجداد

    يتزوجا .. ويكون سعيد

    تحميهو لا شركاً يصيدو
    ولا كديس

    تحميه من حظو التعيس

    وفطورو بيض

    وغداهو بيض

    أحلامو بيض

    صاحبنا ما اتردد وقال:

    قال يا الجدادة تعالى جاي

    انا عندي ليكي كلام كتير

    قالتلو هاي يالفار اخوى

    انشاء الله خير

    قال ليها خير

    بس منكسف

    قالتلو قول ما تنكسف
    الفار رجف

    طقطق اصابعينو ووقف

    قال للأسف

    انا ما بقول

    احساسي وضاح

    ومشاعرى ما عايزة الفضول

    الجدادة استغربت

    اتنفضت واتهوززت

    قاتليهو ياخ ما تقول يا فار

    صاحبنا قام

    قال ليها طمعان في الجوار

    الجدادة اتدللت

    قاتليهو هيي ما انت جار

    الفار سرح

    راح الكلام منو ووقع

    قال يالجدادة بلاش دلع

    لو جاكي فار طالب القرب

    طالب ايديك

    طالب الغرام من مقلتيك

    رايك شنو؟

    قاتليهو اييييييييييك

    ما يسمعك في الحلة ديك

    الفار كضم شم الوضع

    شتت مشى

    وعيونو من كتر الزعل

    ما شايفة حاجة مطششة

    ومشاعرو كيف متخربشة

    حرد الفطور

    حرد العشا

    ورسم على جدار الزمن

    صورة الجدادة ونقشة

    وقال الجدادة قست علي

    وبقت علي متحنكشة

    باكر بعرس ستها

    وتمسح دموعي تقشقشة

    avatar
    eloord17
    مشرف
    مشرف

    رد: فار يتزوج جدادة

    مُساهمة من طرف eloord17 في الأربعاء مايو 20, 2009 11:21 am

    هههههههههههههههههههههههههههههههه
    تسلم با دفعة بس اعمل حسبابك من اللحوم البيضاء
    avatar
    المدير العام
    المدير العام
    المدير العام

    رد: فار يتزوج جدادة

    مُساهمة من طرف المدير العام في الثلاثاء مايو 26, 2009 9:35 am

    هههههههههههههههههههههه
    والله رووعه يا زول امشى اغشى ستهم اول مره اسمع منك ذى دا
    والله جابت ليها عرس فيران وجداد
    باكر نسمع بى عرس الاسد والغزال
    او توم جيرى
    ههههههههههههههههههههههههه
    تحيه لك


    _________________
    www.vip70.com>">
    avatar
    سهم
    عضو مفكر
    عضو مفكر

    رد: فار يتزوج جدادة

    مُساهمة من طرف سهم في الثلاثاء مايو 26, 2009 9:57 am

    بس معليش نسيت اقول
    لو كنتا فار
    وجات جداده وقتليك عرسا
    بترضا انو نسيك يكون ديك
    وكل يوم يصيح من الفجر
    ويملاك فقر
    وتصا تلقا الدنيا ياداب عصر
    ماخلاص عمك ساعتو اتقدمت
    وعيونو بقت زي حمر
    والعصر يشوفو الفجر
    والفطور يجيك وقت السحور
    والغدا تلقاهو الفطور
    وتنوم جعان من العصر
    avatar
    gnabo
    المشرف العام
    المشرف العام

    رد: فار يتزوج جدادة

    مُساهمة من طرف gnabo في الثلاثاء مايو 26, 2009 3:48 pm

    هههههههههههه سهم شكلو سهمك اصاب في مقتل.
    مع حبي وتقديري

      الوقت/التاريخ الآن هو الأربعاء يوليو 18, 2018 5:16 am