فكره سودانيه

عزيزى الزائر اذا كانت هذه زيارتك الاولى لنا فعليك التسجيل من هنا للدخول للمنتدى

المنتدى يطرح افكار للشباب حتى يتبينو سبيلهم فى العمل والعلم وبه فقرات للترفيه


    عذرا بنى شايق

    شاطر
    avatar
    eloord17
    مشرف
    مشرف

    عذرا بنى شايق

    مُساهمة من طرف eloord17 في الأربعاء مايو 20, 2009 11:26 am


    شايقي بخيل حبي يضرب باب بيتهم بهيه ضرب ضلفة وكتب علي التانيه نفس اللون


    ..
    امام شايقي في الركعه الاخيرة سمع واحد جاي يحصل الركعة سلم واقف.



    ..
    تلاته شوايقه بخلا مشو البحر واحد قالهم نغطس البيطلع قبل رفاقتو يغدينا كلنا
    التلاته ماتو.



    ..
    بتاع فرن شايقي ! جاهو شحاد
    قال ليهو والله لي تلاتة يوم ما ضقت طعم العيش
    الشايقي قال ليهو ياهو ذاااااااااااااااااتو ما اتغير.


    ..
    شايقي راكب حمار شاف بت رباطابية حلوة شديد قال ليها: أول مرة اشوف رباطابية حلوه كده.. قالت ليهو: اول مرة اشوف حمار طابقين.



    ..
    شايقي مشى يسجل ولده في المدرسة قالوا ليهو: المدرسة بي خمسمائة ألف والبص بي تلاتين ألف!!
    قال ليهم: خلاص سجلوه لي في البص.


    !!
    شوايقة دخلوا مطعم راقي يتعشوا.. ومع الاكل فرقة تيراب شغالين في المسرح يغنوا ( قروشي.. شي.. شي) الجماعة بلدياتنا استغربوا جداً في أغنية قروشي واحد منهم قال: يا العوض قوم حاسب حق العشاء.. الاولاد ديل قاصدننا عديييل كده.



    !!
    شايقي فاتح بقالة جاهو واحد قال ليهو: اديني جبنة بي مية جنيه!! قال ليهو بي مية دي إلا كان اوزنها ليك بي ام شبتو!! (شبشه).




    شايقي كتب في وصيتو ادفنونى جنب الجعلي لمن سالوه لي قلت كدي ليه قال عشان يوم القيامه الجعلي بقول حرم الحساب علي.



    شايقى بيقرأ القرأن بالانجليزى

    قالو ليهو ليه كدة

    قال عشان
    يوم القيامة يحاسبونى بالدولار.





    قالو جعلي وشايقي جيران الشايقي عندو خروف مسميهو الجعلي
    شابكو ليك الجعلي اكل البرسيم الجعلي ربطتو الجعلي مرق جيبو وكدا
    يوم الخروف طلع من البيت مسكو الجعلي شلخو ليك شايقي ورماهو ليهو بالحيطة.





    مرة واحدة بتقول لزوجهاا مش انت بتصور الستات
    متصورني زيهم قالها اعمل ايه بالصورة وانا معايا العفريتة.




    شايقيتين ماشين الحج لى اول مرة مشو مطار الخرطوم شمو ليهم رئحة ما حلوة واحدة سالت اختها الريحة دي شني قالت ليها ما تفضحينا امكن من طيارى ميتي.




    في شايقي وجعلي وربطابي ظهر ليهم الجن في الخلاء قال ليهم كل واحد يطلب امنية وحنفذها ليهو الجعلي قال ليهو بدور امشي السعودية نفذ ليهو امنيتو الرباطابي ما حنين قال ليهو بدور اشوف امي نفذ ليهو امنيتو جا دور الشايقي ما حاقد قال ليهو تجيب لى الاتنين ديل هسي هنا .




    في شايقي وجعلي ظهر ليهم جن قال ليهم اي حاجة تطلبوها بنفذها ليكم الجعلي قال الحاجة البطلبها الشايقي انا عاوزها بس تكوون مرتين الشايقي ما حاقد قال ليهو قد لى عيني الشمال.


    شايقي اتصل لى صحبو الشايقي هاتفياً كيف يا عبود والله الحمد لله وكيف الاولاد والله تمام وكيف معاكم الزراعه السنه دى والله ميه الميه كل شى تمام اها وكيف رصيدك قال ليهو قلت شنو ما سامعك.



    شايقى قروشو وقعت منو بالبلكونه وقت نزل لقاها ما موجودة عارفين ليه لانو وصل قبلها.




    شايقيه فتحت جواز راجلها لقت مكتوب مهنتو رجل اعمال قامت مسحت اعمال وكتبت عوضيه.




    شايقى يتحشر فى اى شى لقى ناس ملمومه قال ليهم الحاصل شنو قالو ليهو فى حادث فى ميت قال ليهم زحوا خلونى اشوف افسحوا الطريق انا عم الميت الناس فتحوا ليهو السكه وعاينو ليهو باستغراب لمن دخل لى جوا لقى الميت حم
    ار.
    avatar
    الجنرال

    رد: عذرا بنى شايق

    مُساهمة من طرف الجنرال في الخميس مايو 21, 2009 7:28 am

    Laughing Laughing Laughing Laughing Laughing Laughing Laughing Laughing Laughing Laughing Laughing Laughing Laughing Laughing
    Laughing Laughing Laughing Laughing Laughing Laughing Laughing Laughing Laughing Laughing Laughing
    Laughing Laughing Laughing Laughing Laughing Laughing Laughing Laughing
    Laughing Laughing Laughing Laughing Laughing
    Laughing Laughing Laughing
    Laughing Laughing
    Laughing

    والله مشكووووووووووور يا كوتش
    حاول رسلا عليك الله لاخونا عصام


    _________________
    avatar
    eloord17
    مشرف
    مشرف

    رد: عذرا بنى شايق

    مُساهمة من طرف eloord17 في الخميس مايو 21, 2009 9:50 am

    تسلم جنرال على المرور
    avatar
    gnabo
    المشرف العام
    المشرف العام

    رد: عذرا بنى شايق

    مُساهمة من طرف gnabo في الخميس مايو 21, 2009 4:18 pm

    هههههههههه، ياخ مالك علي اهلنا الشوايقة جيل الخير والركة، بس نكات مية مية ، ما تقصر منتظرنك.
    مع خالص حبي وتقديري
    avatar
    eloord17
    مشرف
    مشرف

    رد: عذرا بنى شايق

    مُساهمة من طرف eloord17 في السبت مايو 23, 2009 6:16 am

    تسلم يادفعة
    avatar
    المدير العام
    المدير العام
    المدير العام

    رد: عذرا بنى شايق

    مُساهمة من طرف المدير العام في الثلاثاء مايو 26, 2009 9:28 am

    هههههههههههههههههه
    على الايمان نشفت ريفى من الضحك
    ياخى ما خليت حاجه للاصحاب
    تسلم يا لورد


    _________________
    www.vip70.com>">

      الوقت/التاريخ الآن هو الثلاثاء أغسطس 14, 2018 9:31 pm