فكره سودانيه

عزيزى الزائر اذا كانت هذه زيارتك الاولى لنا فعليك التسجيل من هنا للدخول للمنتدى

المنتدى يطرح افكار للشباب حتى يتبينو سبيلهم فى العمل والعلم وبه فقرات للترفيه


    كيف تحب......

    شاطر
    avatar
    لارا
    المراقب العام
    المراقب العام

    كيف تحب......

    مُساهمة من طرف لارا في الإثنين أبريل 06, 2009 4:39 pm

    يا للي سألتني عن الحب و قلتلي بالله خويا وعلاه
    ما تحاولش كاش ما تكتب وتقولي برك وين نلقاه
    عييت نقلب شرق و غرب وين يقولولي نستناه
    لقيتو كامل كذب في كذب ما تلاقيتو ماعرفت معناه
    لا قريب و لا صاحب و لا حبيب نعيش معاه
    حياتي كامل و أنا نجرب واحد ما لقيتو يسواه
    مانيش فاهم هذا القلب و كأنه ضد مولاه
    يحب يشقى يحب يتعذب يحب الواحد لي ينساه
    و ساعات تلقاني نحب لي يكرهني نجري موراه
    و لي يحبني و ليا يقرب نهرب عليه مافهمتش علاه
    حاول خويا كاش ماتكتب الجواب راني نستناه
    راح نحاول باش نجاوب و ماراكش وحدك حاصل لله
    هو الحب هكذا يحب يجري و يطوع مولاه
    مايفيدوش معاه تجارب ما يفيد ملك و لا جاه
    شحال طوع من محارب و حسرة شحال من فارس بكاه
    و جيت لعندي أنا نجاوب و الله ماراني فاهم علاه
    راح نديرلك واش راك تطلب على ما نظن و العلم لله
    أنت قلبك راه مخرب و ما راكش عارف حتى وين راه
    دير في بالك هذاك الحب لي يهرب و أنت تجري موراه
    و لما يجري و أنت تهرب عمرك ماتقعد معاه
    على خاطر هذا لعب مديور للي يتبع هواه
    ما تنال منو غير التعب ديرو كيما خيالك و انساه
    فرغ قلبك و عاود رتب و خلي عقلك يخدم معاه
    و قبل ما تحب لازم تحسب باش كي تمدو تمدو لمولاه
    هيا نبداو من أول حب ….أول حب هو الله
    لي عطاك هذاك القلب لي راك تحوس باش تملاه
    و لوكان ليه تقرب أقرب منك رايح تلقاه
    ماشي كيما الحب لي يهرب و انت تبقى تجري موراه
    و بعده يجي ثاني حب هو حبيبنا و حبيب الله
    عليه الصلاة و السلام تعب باش وفرلك الدين تقراه
    حبو علي و عليك واجب سعدو المرء للي بغاه
    المرء يحشر مع من يحب تخيل روحك قاعد معاه
    و من بعد ثالث حب أنه الواحد يحب يماه
    تسع شهور و هو يتقلب و هي مسكينة تتقلب معاه
    سنين و سنين و هي تتعذب وين يطيح يلقاها حداه
    حتى نهار يولي شايب يبقى طفل في عيون يماه
    و من بعدها رابع حب أنو الواحد يحب باباه
    لأنه خرج من بين الصلب و الترائب لي جواه
    شحال شقا و شحال تعذب باش كبر و باش رباه
    دير في بالك كل ما تمد أنت و مالك ملك له
    و من بعد خامس حب هو الشريك لي تعيش معاه
    دير في بالك نهار تتحاسب نصف الدين هو تلقاه
    تعيش معاه بلي كتب و تتقاسمو كل شي نتا وياه
    و تتعاشرو و معاه تنجب طفل صغير لعقايب تلقاه
    و هذاك الطفل سادس حب ماتحبش ولد دون سواه
    سبعة داعب و سبعة أتعب و سبعة صاحب دور معاه
    و من بعد يجي سابع حب من رحم واحد نتا وياه
    خوك خوك لايغرك صاحب حتى الصاحب في الشدة تلقاه
    و من بعد الصاحب الأقارب و الجار لي تسكن حداه
    و من بعدهم تقدر تحب كل مومن في طريقك تلقاه
    و المريض لي راه يتعذب دقيقة واحدةاقسمها معاه
    طل عليه إذا كان تحب ربي سبحانه ثم تلقاه
    و اليتيم لي فقد الأب ولا حتى فقد يماه
    مسح على راسو و بدا تحسب في كل شعرة أجر تلقاه
    و الفقير للي ما كسب و لي ما لحق حتى قوت عشاه
    واش راك تاكل واش راك تشرب يالوكان خبزة اقسمها معاه
    و زيد و زيد و لوكان نحسب ما نيش رايح نحبس لله
    يا لي مبحر شرق و غرب و مخلي كلشي موراه
    و يا لي سألتني عن الحب بالنسبة لي هذا معناه
    و إذا ما عجبكش الله غالب روح تحوس وين تلقا
    avatar
    المدير العام
    المدير العام
    المدير العام

    رد: كيف تحب......

    مُساهمة من طرف المدير العام في الثلاثاء أبريل 07, 2009 1:30 pm

    حبيبتي........ ابكي على صدري.. واشكي لي هم قلبك.......وتعذبي

    وشاركيني عذابك...فانني اراكي من دموعك تتهربي...

    حبي لكي اكبر من دموعنا.. وقدرنا ..وبئسنا..فتبسمي..

    قلبي لك مرساة لا حدود لها فاختاري ما شئتي من دقاتي..واركبي

    من تصيبه رموش عيونك يقع شهيدها وانا شهيد عيونك....لا تعجبي

    واعذري ضياعي ببحر عيونك.. وان طلبت رحمة....لا تعتبي

    انا بقربك اتوه بدنيا عشقك.. فإن سرحت بحبك .....لاتغضبي

    واعذري هيامي بك فإنني.. اريدك لي شمسي......فلا تغربي

    من كل هذه الدنيا اريدك انتي.. وان كان لي طلب فأنتي مطلبي

    مشكوره اختى لارا على الكلمات الجميله
    تحياتى
    avatar
    ستهم
    مشرف
    مشرف

    رد: كيف تحب......

    مُساهمة من طرف ستهم في الثلاثاء مايو 12, 2009 8:19 am

    حاولت اخدع نفسي يا ظالم واهجر حبي منك .............
    حاولت احرم نفسي منك.................
    تاني ما امشي واجيك........
    رحلت عنك وعن دياري هدمت كل امل بنيت...............
    لكني ما بقدر اسيبك..... لما انساك بشتهيك
    avatar
    لارا
    المراقب العام
    المراقب العام

    رد: كيف تحب......

    مُساهمة من طرف لارا في الثلاثاء مايو 12, 2009 5:18 pm


      الوقت/التاريخ الآن هو السبت أكتوبر 20, 2018 4:46 pm