تسألني لو كنت بحبك؟؟!!
ما انت عارف اني بسمع كل الدنيا في همسك ..
يشوف جمالا جزء من حسنك..
بريد التكيه في ضلك من حر شمسك..
وبرضو بتسأل!!
تسألني لو كنت بحبك؟؟!!
وانت عارف اني بخوض النار لو اخرا قربك
بمش في الشوك واكون بجنبك
بسيب الكون وضد الناس بقي في صفك
وبرضو بتسال
برضو بتسال وما كفاك سؤال الليل
سؤال النيل
سؤال الطفله بتلعب وتضحك
سؤال القمره يوم شهدت عليها النجمه
وكانت حاضره لطايف عطرك
ولسه بتسأل
طيب
اسأل
اسأل مره بيني وبينك نفسك
اسأل لما اسالمك يدك
واسأل لما اشوفك عينك
واسأل ساعة المغرب لمن تسرح نبضك
واسأل حتى خيالات طيفك لمن تحلم
واسأل كل الكانو معانا يوم ودعتك
ممكن
تسأل غيمنا الراحل قبل ما تنزل منو المطره
وتبدأ تكون قطرة طل تقبل تلثم خد الزهره
ممكن
تسأل تربة ارضك قبل ما تطلع شجرة نخله
تسأل حتى الطير في زمن الهجره
حتى الموجه اليه من المجهول تعانق اخر الشط الرمله
بس
ما ظنيتك وانت بتسأل تنسى الشوق الما بيتدسى
تنسى كلامنا الكان اتقال في اخر جلسه
يوم صارحتك
ويوم طارحتك
ويوم ما عذابنا بدأ بهمسه
يوم ما قلت:
انا يابنيه غيرك جد ما داير مرسى
وعليك الخلقك عليك الخلقك
جاوبيني وشرطا هسه
يوم ما قلت:
انا يا سلمى غيرك جد ما داير مرسى
لما سألت سؤالا اصبح فينا
يضحى
ويمسى
وتاني رجعت محل ما كنت وبدت القصه
ولسه بتسال؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بانتظار ارائكم
مع اندى ودي وتحياتي
عدل سابقا من قبل ستهم في الجمعة يونيو 26, 2009 7:26 pm عدل 1 مرات
