فكره سودانيه

عزيزى الزائر اذا كانت هذه زيارتك الاولى لنا فعليك التسجيل من هنا للدخول للمنتدى

المنتدى يطرح افكار للشباب حتى يتبينو سبيلهم فى العمل والعلم وبه فقرات للترفيه


    صوتك والزمن

    شاطر
    avatar
    ستهم
    مشرف
    مشرف

    صوتك والزمن

    مُساهمة من طرف ستهم في الأربعاء مايو 06, 2009 2:21 pm

    [size=9]أرسلت بتاريخ 2009-04-27 07:03:17GMT
    اين الصوره

    نكر
    صوتك صداك
    غالطني
    الزمن فيك
    شهرت على الجفاف
    وعدك، بطاقاتنا الخريفية
    رجع فاضي الكلام مليان
    معاكي اتبرجت غيمه
    شهق جواى صوت جدول
    مرقتَ علي المطر حفيان
    لقيتك
    والرزاز مدخل
    وناديتك:-
    اقيفى معاي
    نشيل كتف الغناء الميّل
    ونتخيل
    حلم دونك بيتحقق!!
    وقبلك خيل دماى واقفه على
    شريانى تتشهق!
    وعرف صوتك صداك،غنيتي
    رشحّتَ حلقك لي إذاعات الشجر
    والمنتظر من عودة المدعو
    المطر
    للمسادير ، والطنابير
    واللسه في رحم القصيد
    والدابو حسّ
    وفى سوق عكاظ،
    وبين مزادات الحروف
    غّيبت رسمك واحتكرتك للظروف
    للزمان الجايي ، واللحظة
    اللى فاتت منى هسه
    يا واقفة
    بين جرح السحاب
    وبين شهقة الأرض البكر
    ما كان ده ريد
    كان إحتمال
    تغيير قوانين شهقتك
    ما بين حديثنا ولحظة الفعل الحقيقى
    وانتباهك إنتى
    للشارع البيرجع تانى
    لى نقطة بدايتو
    وإنحيازك إنتى
    للشارع البيرشح
    من مسام رملو التوقع
    وما إتعرف قانون نهايتو
    غايتو
    امشى
    فى الدرب البطابق
    فيهو خطوك صوت حوافرك
    يا فرس
    كل القبيلة تلجمو...يكسر
    قناعاتها ويفر
    يسكن مع البدو في الخلاء
    ما يرضى غير الريح
    تجادلو وتقنعوا
    اقترحتك
    لون اساسى
    يمنح اللوحة ازواجية القراية
    ويفتح الضوء
    بين خطوط الريشة ، والخط
    الإضافى الجايي من
    شبكية الزول المشاهد
    واكتشفنا الرسمك
    وأنا
    نفس التوارد فى الخواطر
    وبرضو أرقام التذاكر
    البيها سافرنا وشهدنا
    انفجارك فى الأرض
    يا سمراء
    يا واضحه
    ما غنيت
    يوم جيتك صدفه
    قبل ابداك كان غُصنك بشّر
    ويوم ما كان احساسك مسرى
    عرّج غيمك فيني ومطّر
    ولحظة طار
    عصفور من صدرك
    رتّب فينا احساس بالإلفه
    ودوزن عصب الزمن الأشتر
    اتوكلت عليكى
    وقلتَ:-
    المارق منك داخل جرح الورده
    وراسم فوقها غناوى الطل
    والمارق منك
    رجّع للغابات
    الزنج الهاربه
    وللعتمور العرب العاربه
    وادى الكون
    مفتاح الحل
    والمارق منك
    شادد عصب الورقه ، وحرفى
    وراصد فى اللاوعي سكونه
    مواعيد صحوه..حلمه..لونه
    وشارى يقينك فى ظنى
    وسارق لحظة إنى أفكر
    المارق منك
    مارق منك
    أو
    منى.!
    [/size]
    avatar
    لارا
    المراقب العام
    المراقب العام

    صوتك والزمن

    مُساهمة من طرف لارا في الأربعاء مايو 06, 2009 2:31 pm

    كلام جميل وشاعري ونرحب بيكي بزهور الصداقة
    avatar
    gnabo
    المشرف العام
    المشرف العام

    رد: صوتك والزمن

    مُساهمة من طرف gnabo في الأربعاء مايو 06, 2009 2:35 pm

    مرحبتين ستهم وتسلمي ودا العشم والقبيل راجنو منك.
    والمنتدي نور بيك وفي انتظار المزيد
    وهذا مع حبي وتقديري
    avatar
    ستهم
    مشرف
    مشرف

    رد: صوتك والزمن

    مُساهمة من طرف ستهم في الخميس مايو 07, 2009 11:07 am

    اهلا بيكم

    جنابو ولارا


    وياريت اكون عند حسن ظنكم

    وشكرا كتيييييييييييييييير على الترحيب
    مشكوريييييييييييييين على المرور وما بتقصروا

    مع اندى ودي
    avatar
    المدير العام
    المدير العام
    المدير العام

    رد: صوتك والزمن

    مُساهمة من طرف المدير العام في الخميس مايو 07, 2009 1:38 pm

    عانقت جدران منتدانا يا ستهم
    عطر قدومك ... وتزيّنت
    مساحاته بأعذب عبارات الود والترحيب
    ومشاعر الأخوة والإخلاص ... كفوفنا ممدودة
    لكفوفـك لنخضبها جميعاً بالتكاتف في سبيـل زرع بذور
    الأخلاقيـات الراقيـة ولا نلبـث أن نجني منهـا
    إن شاء الله ثمراً صالحاً.. ونتشـارك
    كالأسرة الواحدة لتثقيف بعضنا
    البعض في كل المجالات
    أتمنى لك قضاء
    وقت ممتع
    معنا
    خلص التمنيات بوتواجد سعيد معنا

    تحياتى
    avatar
    ستهم
    مشرف
    مشرف

    رد: صوتك والزمن

    مُساهمة من طرف ستهم في الثلاثاء مايو 12, 2009 9:18 am


    تسلم يا مدير ويديك العافيه مشكوووووووووووووووووووووووووور
    علىالمرور
    وانشاء الله اكون عند حسن ظنكم

      الوقت/التاريخ الآن هو الإثنين نوفمبر 20, 2017 5:29 pm