يلي ملكتي قلبي

وقتاش يفرج ربي وتولي اشوفك عينيا
يلي ملكتي قلبي واديتيه بعيد عليا

شفتك قاعدة على شط البحر فوق الرملة زهوانية
خطفتي عقلي ما قدرت نصبر وابديت نميل ليك بشويا

بغيت نهدر معاك وخايف كيفاش نكلم برانية
فالحق مارانيش موالف لكن نار الحب قوية

وقتاش يفرج ربي وتولي تشوفك عينيا
يلي ملكتيلي قلبي واديتيه بعيد عليا

من الحشمة دبلتي عينيك رشني العرق وسال عليا
ضحكتلك وبسمو خديك تما الموجة لعبت بيا

رجعتلك وسمطت عليك غير بالحنانة تصرفي فيا
حطيتلك قلبي بين يديك وعرفت دالقلب ما بقى ليا

وعلاش يا سيدي ربي راهي ديما تعدب فيا
وعلاش هكدا ملكت قلبي وداتو بعيد عليا

قلتيلي محال نهواك غير روح خليني في حالي
شفتك اليوم غدوة ننساك انا جيت نريح بالي

ظلمت روحي والحق معاك لكن الله غالب عليا
ماشي غرضي كي سكنت هواك ما اخترت انطيح في هاد البلية

وعلاش يا سيدي ربي راهي ديما تعدب فيا
وعلاش هكدا ملكت قلبي وداتو بعيد عليا

اش نصير يا البنية الصيف والبحر وانتي قبالي
نشوفك صبحة وعشيا والليل نحلم بيك يا غزالي

البجر والرمل وكل الالوان وبالشعبي تخلا السهرية
قيتارة عود وميزان والرقصة جزائرية

وقتاش يفرج ربي وتولي تشوفك عينيا
ياللي ملكتيني يا قلبي واديتيه بعيد عليا

راح الصيف وجا الزفزاف الامواج بعدوك عليا
غابت الشمس وابديت نخاف اه يالدنيا يالدونية

كلش في القلب راهو مخبي وانتيا تبقاي انتيا
يلي ملكتيتي يا حبي تتفكري وتولي ليا

وعلاش ياسيدي ربي راهي ديما تعدب فيا

وعلاش هكدا ملنت قلبي وداتو بعيد عليا

مساء الفل والياسمين والمسك معطرين
لاحل ستهم
متشكرين على مرورك العزيز
تحياتي

كلام جميل
مشكووووووووره
ارجو ان تعلمينا الحب على
الطريقه الجزائريه
تحياتى