فكره سودانيه

عزيزى الزائر اذا كانت هذه زيارتك الاولى لنا فعليك التسجيل من هنا للدخول للمنتدى

المنتدى يطرح افكار للشباب حتى يتبينو سبيلهم فى العمل والعلم وبه فقرات للترفيه


    [b]اللي ريدك فيني طبعة[/b]

    شاطر
    avatar
    gnabo
    المشرف العام
    المشرف العام

    [b]اللي ريدك فيني طبعة[/b]

    مُساهمة من طرف gnabo في الإثنين يونيو 22, 2009 7:07 pm


    يا اللي ريدك فيني طبعة .... يا المكسرة فيني ضلعة
    يا البجيك في الجامعة دايش .... يوم خميس ألقاه جمعة

    يوم أشوفك ... قلبي ينتف .... عرقي ينزف
    وابقى اشوفك سبعة سبعة
    " أصلو ريدك جاني فجأة " .... وأدى لي صنقوري كبعة

    ****
    يا طبيبة ... يلا شيلي القرقريبة
    ويلا عوسي قليبي كسرة
    ويلا دنكلي منو لقمة .... والعبيبا

    عل بس شيليها مرة .... وابلعيها كالجاتوه
    خليهو يسأل جوة يسأل .... والبيسأل ما بتوه
    ولما جات المعدة تهضم .... قيل مهلاً اتركوه
    أنه لا يطلب شيئاً
    إنه قلبُ ُ متيم .... جاء يسأل عن أخوه

    *******
    قد سألتك لا تجافي .... إنه حب خرافي
    ما بسيبك .... كان بترضي وكان تخافي
    ما بسيبك كان رضيتي وكان أبيتي
    كان وقعتي .... وكان جريتي
    كان عقب طلعتي زيتي

    ما بسيبك .... كان خلطتي الأمة جملة
    كان طلبتي المهر عملة
    وإن طلقتي علي نملة

    ما بفوتك إنت ملي
    كان بترضي وكان تملي
    ما بفوتك إنت للي

    إنتي أقري .... وكل معلومة بتفيدك
    يا حلاوة المايكروبايو .... جاري في موية وريدك
    كل جرثومة بتريدك .... صارو هيلك من عبيدك
    وإنتي للباثولوجي تقري .... أصلو شيتاً دمو بقري
    علة جنبك يبقى ساهل .... وفيهو تجري

    ******
    وإنتي يا أشطر طبيبة .... يلا شرحي فيني حلي
    فرتقي الجواي وسلي

    تلقي روحي مناها ريدك
    والعلاج جاهز في إيدك

    ماهو كم كبسولة "فاليوم"
    إسبرين أو كان يورانيوم

    العلاج جاهز في إيدك من سنين
    العلاج يا انتي آخذ حقنة حُب أو حبتين
    من عيونك .... من كلامك .... كلو ريحة بنسلين
    واشفى من كل المواجع .... وأبقى زين
    avatar
    المدير العام
    المدير العام
    المدير العام

    رد: [b]اللي ريدك فيني طبعة[/b]

    مُساهمة من طرف المدير العام في الثلاثاء يونيو 23, 2009 8:35 am

    عوووووك ستهم حقك راح
    ههههههههههههههههههههه
    تحياتى


    _________________
    www.vip70.com>">
    avatar
    gnabo
    المشرف العام
    المشرف العام

    رد: [b]اللي ريدك فيني طبعة[/b]

    مُساهمة من طرف gnabo في الثلاثاء يونيو 23, 2009 7:00 pm

    يا منير هسي الجاب ستهم هنا شنو ، انت يا اخووي كبرتا ولا شنو .ههههههههههههههه
    avatar
    ستهم
    مشرف
    مشرف

    رد: [b]اللي ريدك فيني طبعة[/b]

    مُساهمة من طرف ستهم في الإثنين أكتوبر 12, 2009 11:38 am

    هههههههههههههههههههههههههههه
    قصيده حلوه ومعبره
    ويا بخت الدكتوره الكتب فيها جنابو بحالو

    والله يا مدير عندك حق
    انحنا رايحين في ال رجلين
    لكن نقول شنو
    الله غالب
    وناس كتير تموت مقالب
    لكن نحنا برضو اطيب مننا مافي
    وبنقول ربنا يهني سعيد بسعيده
    ويديم المعروف والود بين الناس

      الوقت/التاريخ الآن هو الأحد ديسمبر 09, 2018 11:47 pm